Eден од најдобрите играчи на светот, Ламин Јамал, јасно изјави за кого смета дека треба да ја добие Златната топка.
Јамал не ги крие своите амбиции. Младиот ас на Барселона е свесен дека се наоѓа во друштво на најголемите светски ѕвезди, но верува дека е време да направи уште еден огромен чекор и да го освои признанието кое секој фудбалер го сонува.
Јамал без многу размислување го издвоил себе и Килијан Мбапе како двајца најдобри играчи на светот, но веднаш го додал најважното. Смета дека токму тој оваа година ја заслужува Златната топка.
„Мбапе и јас сме најдобрите двајца играчи на светот. Но, оваа година верувам дека ја заслужувам Златната топка”, рече Јамал.
Иако е уште многу млад, фудбалерот на Барселона веќе има став на играч што сака да остави трага во историјата. За него, она што досега го направи не е доволно да биде задоволен, а посебно му остана чувството дека можел да направи многу повеќе на најголемата репрезентативна сцена.
Учество во игри на среќа е дозволено за лица со 18+ години. Играј одговорно!