ПОЗНАТИОТ поранешен холандски репрезентативец Весли Снајдер (42) реши да го излицитира својот трофеј, што му беше доделен како втор најдобар играч на Светското првенство во 2010 година. Тогаш Холандија стигна до финалето, но претрпе пораз од Шпанија. Снајдер беше најдобар играч и стрелец за Холандија на тој турнир.
Трофејот на Снајдер се продава на страницата Match Worn Shirt, како дел од “колекција на легенди”. До моментот на пишување на овој текст, цената на трофејот достигнала 2951 долар на аукцијата. Покрај тоа, Снајдер нуди и бронзен медал од Светското првенство во 2014 година, каде што Холандија го освои третото место победувајќи го домаќинот Бразил со 3:0 во решавачкиот натпревар.
“Овие предмети ми значат многу. Прекрасно е што можам да ги споделам со љубителите на фудбалот и колекционерите кои навистина ја ценат приказната зад овие предмети”, изјави Снајдер.
Учество во игри на среќа е дозволено за лица со 18+ години. Играј одговорно!