Барселона првпат јавно потврди дека летово испратила официјална понуда за аргентинскиот напаѓач Хулијан Алварез, но Атлетико Мадрид не ја прифатил.
Спортскиот директор на каталонскиот клуб Деко отворено зборуваше за трансферот кој го одбележа летниот преоден рок и ги откри деталите на понудата вредна дури 100 милиони евра.
Како што тврди, Барселона сè направила на целосно професионален начин, но од Мадрид не стигна никаков одговор.
“Испративме формална и коректна понуда. Се работеше за 100 милиони евра, со исплата во три рати во текот на три години. Тоа е сосема вообичаена пракса во модерниот фудбал”, рече Деко.
Коментари
Учество во игри на среќа е дозволено за лица со 18+ години. Играј одговорно!