РЕАЛ МАДРИД ја отвори новата сезона на Лигата на шампионите со победа. Екипата на Жозе Мурињо на „Сантиjаго Бернабеу“ славеше против Интер со резултат 2:1, а натпреварот го одбележаа головите на Килијан Мбапе и Федерико Валверде, како и интересната ситуација со новото правило за замени на играчи.
Реал го поведе натпреварот во 14. минута. Килијан Мбапе успеа да се избори за простор во казнениот простор и со прецизен удар го надмудри голманот на Интер за водство на домаќините. Предноста на Реал беше удвоена во 23. минута, кога Федерико Валверде стрелаше за 2:0.
Интер се трудише да се врати во игра и до намалување на резултатската предност стигна во 77. минута. Карлос Аугусто постигна гол за 2:1 и им донесе надеж на гостите во завршницата на мечот. Интер се обидуваше да израмни во последните минути, но Реал успеа да ја задржи предноста и да освои три поени на стартот на групната фаза од Лигата на шампионите.
Новото правило веднаш тестирано во Лигата на шампионите
Натпреварот помеѓу Реал и Интер беше прва прилика да се види спроведувањето на новото правило поврзано со замените на играчите. Во 87. минута Реал реши од игра да го повлече Винисиус Жуниор, но Бразилецот не го напушти теренот во предвидениот рок од 10 секунди.
Според новото правило, играчот кој се заменува мора да се повлече од теренот во рок од 10 секунди од моментот кога е побарана замената. Доколку не излезе на време, заменскиот играч не смее веднаш да влезе, туку мора да чека до следниот прекин во играта.
Поради бавниот излез на Винисиус, Алваро Карерас не можеше веднаш да влезе, па замената беше извршена дури по следниот прекин. Реал остана накратко со десет играчи, а ситуацијата на „Бернабеу“ веднаш покажа како ќе изгледа новото правило во пракса.
Учество во игри на среќа е дозволено за лица со 18+ години. Играј одговорно!