Ждрепката за Лигата на шампиони се погрижи за еден од најемотивните натпревари во кариерата на Жозе Мурињо. Реал Мадрид на Сантиаго Бернабеу ќе го пречека Интер, клуб во кој Португалецот има статус на бесмртна легенда.
Мурињо со „Нераѕурите“ во 2010 година ја освои италијанската лига, Купот на Италија и Лигата на шампиони. Така стана единствениот тренер кој со некој италијански клуб ја комплетирал познатата тројна круна.
Интер во финалето на Лигата на шампиони на Бернабеу го совлада Бајерн со резултат 2:0. Херој беше двојниот стрелец Диего Милито, додека на позицијата лев бек за италијанскиот тим настапи Кристијан Чиву.
Португалецот призна дека ова за него не може да биде обичен натпревар. Интер и луѓето поврзани со клубот секогаш ќе ги доживува на посебен начин, но на теренот ќе постои само една цел.
„Ако луѓето од Интер ме доживуваат како пријател, тоа ќе биде пред и по натпреварот. Не можам да замислам дека за време на натпреварот ќе размислуваат за мене на таков начин бидејќи таква е природата на фудбалот.“
Мурињо потоа со порака ја исклучи секоја можност носталгијата да влијае на неговиот тим. „За време на натпреварот сакам да победам, тие сакаат да победат и нема да има време за размислување за тоа прекрасно минато.“
Учество во игри на среќа е дозволено за лица со 18+ години. Играј одговорно!