Карагер воодушевен од Калафиори: „За мене, тој е убедливо најдобриот лев бек во Премиер лигата“

Легендарниот дефанзивец на Ливерпул, Џејми Карагер, има само пофални зборови за Рикардо Калафиори, кој според него во моментов е најдобриот лев бек во Премиер лигата.

„За мене, тој е најдобриот лев бек во Премиер лигата, и тоа убедливо“, изјави Карагер.

Поранешниот англиски репрезентативец е особено импресиониран од начинот на кој италијанскиот фудбалер игра во двата правци и од неговото влијание врз играта на тимот.

„Тој е брилијантен во секоја смисла на зборот!“, додаде Карагер.

Калафиори со своите настапи продолжува да остава силен впечаток во англискиот фудбал, а пофалбите од човек со огромно искуство во Премиер лигата дополнително ја потврдуваат неговата одлична форма.