Го сакаше и Барселона, но на крајот заврши во – Реал!

Реал Мадрид заврши уште еден трансфер на млад фудбалер, покажувајќи дека “кралскиот клуб” гради за иднината.

Серхио Мартинез, 19-годишен играч од средниот ред, стана нов член на Реал Мадрид.

Несовршениот дијамант, како што го нарекуваат шпанските медиуми, од денес е дел од “кралскиот клуб”, а трансферот го потврди и неговиот сега веќе поранешен клуб Расинг Сантандер.

Мартинез потпиша повеќегодишен договор со Реал, а “кралскиот клуб” на Рајсинг му плати околу три милиони евра, што всушност е и откупната клаузула.

Интересно е дека за Мартинез претходно интерес пројавија и други клубови, пред сè Барселона, Атлетико Мадрид и Вилјареал, но со појавата на интересот на Реал, сите други можности завршија.

“Расинг Сантандер и Реал Мадрид постигнаа договор за трансферот на Серхио Мартинез. Мадридскиот клуб се обврза да го плати, одеднаш, целиот износ наведен во откупната клаузула. Поради ова, играчот од Ларедо го напушта Рајсинг.

Од Рајсинг, клубот каде што Серхио е од своите 10 години и каде што се качи на секоја скала од Б тимот до првиот тим (со кој одигра 15 натпревари), му посакуваме фудбалерот цел успех кој го заслужува во неговите следни професионални и лични предизвици.

Со среќа, Серхио! Многу сме горди на твојот напредок во нашиот клуб и како го бранеше грбот сите овие години. Стадионот Ел Сардинеро секогаш ќе биде твојот дом”, изјавија од Рајсинг.

Се предвидува Мартинез, според шпанските медиуми, да игра за младинскиот тим на Реал, а ќе тренира и со првиот состав и ќе биде на располагање на Жозе Мурињо.

Неговото доаѓање претставува инвестиција на Реал за иднината, а во сегашните рамки три милиони евра не се голема сума, па дека многу нема да се загуби ако Мартинез не напредува на очекуваниот начин.

Инаку, Мартинез е висок 188 сантиметри, игра со десната нога на позицијата централно средно поле. Тој е многу вешт и има исклучителна окретност и покрај неговата височина.

Повеќе е наклонет кон офанзива, но е цврст во дуели, одлично настапува со глава и има силен карактер. Сите овие карактеристики привлекоа внимание на големите клубови, и на крај, Реал беше тој што успеа да го доведе.

Да додадеме и дека Мартинез на почетокот на оваа сезона постигна гол во ремито на Рајсинг и Вилјареал (2:2).