Вест Хем не игра добро оваа сезона, а се чини дека екипата на Славен Билиќ ќе биде во уште поголеми проблеми во јануари.
Имено, првата ѕвезда на тимот, Димитри Паје најави дека би можел да го промени клубот и тоа во зимскиот преоден рок.
Лига Нации: Се освен прво место ќе биде катастрофа за Македонија! ↓↓↓
Паје брилјираше на Европското првенство и многу европски гиганти покажаа интерес за неговиот потпис, но Французинот сепак остана во Вест Хем.
Меѓутоа, Паје не е задоволен во клубот и тоа се одразува на неговоте настапи оваа сезона, каде на 11 натпревари постигна само два гола и запиша пет асистенции.
„Ужасно влеговме во сезоната и не ја отфрлам можноста за заминување во зимскиот преоден рок. До сега ги бирав клубовите на основа на нивните спортски амбиции и цели. Се додека можам да играм на ова ниво ќе ги барам најдобрите клубови. Доколку ПСЖ ме сака треба само да ме контактира“, изјави Паје.
ПСЖ покажува најголем интерес за Паје, но во трката сигурно ќе се приклучат уште неколку европски гиганти.