Леандро Паредес беше казнет со 10 натпревари и парична казна од 90,000 долари поради скандалите во кои се вплетка по завршниот судиски сигнал на финалето на Светското првенство помеѓу Аргентина и Шпанија.
Неговиот соиграч, Науел Молина, кој беше втората најактивна фигура во срамните сцени на натпреварот, пак, е суспендиран за седум натпревари и казнет со идентична глоба. Тијаго Алмада помина само со еден натпревар и ќе треба да плати 30,000 долари, а казни има и за членови на тимот на Аргентина – Роберто Ајала, асистент на Лионел Скалони, е санкциониран за три натпревари и глобен со 30,000 долари, а Пабло Мартин Паес Гавира ќе треба да плати истата казна и ќе биде суспендиран на еден натпревар.
Дополнително, Аргентинската фудбалска федерација е глобена со 321,000 долари. Националниот тим ќе треба да ги игра следните два домаќински натпревари со ограничена публика – 50% од капацитетот на стадионот, иако казната за еден од овие натпревари е условна и ќе биде применета при ново прекршување.
Од страна на Шпанија, казнет е единствено Гави, кому му се забранети правата за еден натпревар и глобен е со 30,000 долари.
Учество во игри на среќа е дозволено за лица со 18+ години. Играј одговорно!