Амбициите на Керик: Титула? Не можам да ветам

Менаџерот на Манчестер Јунајтед, Мајкл Керик, е исполнет со оптимизам пред стартот на новата сезона.

Во сабота, Црвените ѓаволи ќе патуваат на гости кај новиот член на Премиер лигата, Хал, за првиот натпревар. Керик се осврна на ситуацијата со повредените играчи во тимот, ја прокоментира состојбата на Маркус Рашфорд и ги сподели своите очекувања од новата сезона.

Охрабрен сум од работата што ја завршивме за време на подготовките пред сезоната, како на тренинзите, така и на пријателските натпревари. Со нетрпение ја чекам првата средба, која ќе биде предизвикувачка – изјави Керик.

Потоа се осврна на состојбата со повредените играчи.

– Де Лихт беше долго време отсутен, но сега е повторно на тренинг. Ќе го пропушти претстојниот натпревар, но се чувствува добро и напредува. Шешко се врати во тренинг, што е уште една добра вест. Маунт е многу блиску до враќање, но е под прашање за викендот.

Кога станува збор за следниот противник, подвлече дека на почетокот нема фаворити.

– На почетокот нема фаворити. Кога играте против новајлија на гости, ве очекува тешка, предизвикувачка средба. Учевствував во такви дуели и знам што е на коцка. Тие ќе дадат сè од себе во сабота и ние мора да бидеме целосно подготвени.

Очигледно е дека Керик ќе се потпира на Маркус Рашфорд, и покрај тоа што шпекулациите за неговата иднина продолжуваат.

– Се придружи на тренинзите и ужива во фудбалот, изгледа во одлична форма, силен и подготвен за игра. Многу сум задоволен од него.