Манчестер Сити веќе преговара за потенцијалниот заменик на Савињо

Манчестер Сити работи на трансферот на крилото на Палмеирас Алан Елиас. Според Дејвид Орнстин од “Ди Атлетик”, 22-годишниот Бразилец е еден од набележаните играчи кои евентуално треба да го заменат Савињо, кој е пред трансфер во Тотенхем. Ставот на Палмеирас е дека Елиас нема да се продаде ова лето. Во неговиот договор постои откупна клаузула, но таа е доста висока – 100 милиони евра, така што не е многу веројатно дека Сити би сакал да ја активира.

Фабрицио Романо исто така го потврдува интересот на Сити и открива дека двата клуба водат преговори за цената на играчот.

Алан е поникнат од Палмеирас и дебитираше во првиот тим во 2025 година. Оттогаш, тој има 48 натпревари во локалното првенство, при што постигнал шест голови и направил пет асистенции. Сè уште нема добиено повик за репрезентацијата на Бразил.

Вчера стана јасно дека Тотенхем е во напредни преговори со Манчестер Сити за Савињо и Мармуш, а според Мет Лоу од “Д Телеграф”, зделката може да достигне до 140 милиони фунти.