Спектакл, еве каде и кога ќе се борат Џошуа и Фјури

Конечно е постигнат договор за долгоочекуваниот боксерски дуел меѓу Тајсон Фјури и Ентони Џошуа, кој официјално ќе се одржи на 20 ноември во култната арена Медисон Сквер Гарден во Њујорк.

По години неуспешни преговори и несогласувања, двајцата од најголемите британски тешкаши потпишаа договори за борбата која веќе се смета за најголемиот судир во современата историја на британскиот бокс.

Иако и двата табора сакаа мечот да се одржи во Велика Британија, финансиските услови го однесоа на американско тло, под капата на саудиските инвеститори.

Интересно е што мечот е планиран за петок вечер, за да се избегне преклопување со големите спортски случувања во Америка, додека точните времења, прилагодени за европската публика, сè уште се усогласуваат.

Официјалната промоција и спектакуларната најава на борбата ќе се случи кон крајот на август на едно од легендарните британски места.

Tyson Fury vs Anthony Joshua set for FRIDAY night fight in New York City: Heavyweight rivals will meet in the Big Apple for mega-fight on November 20 – amid fears of scheduling clash with the NFL https://t.co/tVdbbd2g36

— Daily Mail Sport (@MailSport) August 18, 2026