Франк Кеси чека повик од Јувентус

Иднината на репрезентативецот на Брегот на Слоновата Коска, Франк Кеси, е тесно поврзана со трансферните планови на Јувентус. Според „Тутоспорт“, играчот од средината има силна желба да го облече дресот на торинскиот гигант и да работи со тренерот Лучано Спалети, но за момент може само да чека.

Иако помеѓу Кеси и клубот веќе има постигнато спогодба, финализирањето на договорот целосно зависи од способноста на раководството на „бјанконерите“ да ослободи место во средниот ред.

Се тврди дека 29-годишниот фудбалер договарал тригодишен договор со плата од 4,5 милиони евра по сезона, на која ќе додадат и значителен бонус при потпишувањето.

Кеси е слободен агент, откако го прекина договорот со Ал Ахли. Ова му дава можност да се приклучи кон гигантот од Торино и да биде регистриран дури и откако трансферниот прозорец ќе биде затворен. Во меѓувреме, Јувентус интензивно работи на реализирање на неколку излезни трансфери.

Во овој период на очекување, Франк Кеси ќе одржува форма со индивидуални тренинзи.