Лукаку заминува, Наполи носи замена од Арсенал

Ромелу Лукаку ќе го напушти Наполи во наредните денови.

Белгиецот пропушти речиси цела сезона поради повреда, а кога се опорави, не сакаше да се врати во клубот за да се подготви за Светското првенство.

Од тогаш клубот и играчот немаат односи, и Наполитанците сакаат да се ослободат од неговиот договор од 8 милиони евра годишно нето.

Пристигна понуда од Турција. Фенербахче го посакува и му нуди договор на 2 години. Во моментов преговараат околу отштетата. Нудат 5 милиони евра, додека Наполи бара 12. Според извештаите, Фенер нема да понуди повеќе од 8 милиони евра плус бонуси, и сите се надеваат дека ќе ја завршат зделката.

Како замена треба да пристигне напаѓачот на Арсенал, Габриел Жезус. Тој не е прва опција кај Микел Артета, а минатата сезона на 27 натпревари постигна 6 голови.