ПСЖ и Ливерпул имаат доверба дека ќе постигнат договор за Баркола

Убедувањата во Пари Сен Жермен и Ливерпул се дека двата клуба ќе постигнат спогодба за трансферот на Брадли Баркола, тврди „Екип“. Французинот е главна трансферна цел на мерсисајдците, кои го гледаат како најсоодветен заменик на Мохамед Салах.

И самиот играч сака да ја продолжи кариерата на „Енфилд“, а според некои информации веќе ги договорил личните услови со англискиот клуб. Тоа, меѓутоа, не значи дека трансферот ќе биде брзо финализиран, бидејќи двата клуба моментално се разликуваат во поглед на цената на Баркола. ПСЖ бара минимум 150 милиони евра, додека Ливерпул не планира да ја надмине границата од 120 милиони.

Според информациите, парижаните наведуваат скори рекордни трансфери на Морган Роджерс во Челзи и Елиот Андерсон во Манчестер Сити како аргумент. Но од „Енфилд“ инсистираат дека овие споредби не се релевантни, бидејќи во споменатите случаи се работи за трансфери меѓу клубови од Премиер лигата.

Преговорите продолжуваат, а според „Екип“, наскоро самиот претседател на ПСЖ Насер Ал-Хелаифи ќе одржи разговор со луѓе од раководството на Ливерпул, со кои има многу добри односи. Фактот дека двата клуба делат малцински акционер во ликот на инвестиционата компанија „Арктос“ исто така би можел да го олесни дијалогот.