Падна договор: Мохамед Салах има нов клуб

Трабзонспор објави дека започнал преговори со Мохамед Салах, а претседателот на клубот се надева дека египетскиот напаѓач ќе потпише договор до крајот на неделата. Салах ова лето стана слободен играч по девет години поминати во Ливерпул.

„Започнати се преговори за трансфер на професионалниот фудбалер Мохамед Салах, кој во моментов е слободен играч, во нашиот клуб. Утре ќе пристигне на аеродромот во Истанбул, а во вечерните часови ќе дојде во Трабзон“, стои во официјалното соопштение на клубот.

Претседателот на Трабзонспор, Ертугрул Доган, изјави за телевизијата A Spor дека трансферот сè уште не е официјално завршен, но потврди дека се очекува Салах да пристигне во Истанбул денеска на медицински прегледи.

Потоа, тој треба да отпатува за Трабзон и да го потпише договорот, што според зборовите на Доган треба да се случи во четврток.

BÜYÜK TRABZONSPOR TARAFTARINA DUYURU

Transfer görüşmelerine başladığımız profesyonel futbolcu Mohamed Salah, 5 Ağustos Çarşamba (yarın) saat 12.00’de İstanbul Atatürk Havalimanı Genel Havacılık Terminali’nde olacaktır.

Oyuncunun aynı gün akşam saatlerinde Trabzon’a ulaşması… pic.twitter.com/3q0lXLkq95

— Trabzonspor (@Trabzonspor) August 4, 2026