Крај на сагата: Балде испрати јасна и гласна порака за трансферот од Барселона

Одбранбениот фудбалер на Барселона Алехандро Балде нема намера да го напушти каталонскиот клуб, иако веќе со месеци се зборува за неговото можно заминување.

На почетокот од јуни се појави информација дека Барселона за следната сезона сака да го обнови играчкиот состав, но дека финансиски не стои најдобро.

Наводно во Барселона, поради финансискиот фер-плеј, имале план да продадат неколку стандардни првотимци, меѓу нив и Балде.

Меѓутоа, 22-годишниот одбранбен фудбалер веќе тогаш истакна дека неговата намера е да остане во Барселона до истекот на договорот кој го поврзува со каталонскиот клуб до летото 2028 година.

А денес повторно ја потврди таа информација и јасно порача какви му се плановите.