Интер го потврди интересот кон дефанзивец од 50 милиони

Спортскиот директор на италијанскиот шампион Интер, Пиеро Аузилио, официјално го потврди интересот на клубот кон капитенот на Тотенхем, Кристијан Ромеро.

Во интервју за “Скај Италија”, Аузилио откри дека „нероазурите“ веќе работат на привлекување на 28-годишниот Аргентинец. „Тоа дефинитивно е трансфер што се обидуваме да го реализираме со играчот и клубот. Овие работи одземаат време, но интересот е присутен“, изјави шефот на миланскиот гигант.

Ромеро, кој има договор со лондончани до 2029 година, помина тежок сезон во Премиер лигата, каде Тотенхем заврши на разочарувачкото 17-то место и едвај го зачува својот елитен статус. Сепак, централниот бек останува високо ценет, со 124 натпревари и 12 голови за пет сезони кај „спарсите“ во првенството.

Аргентинскиот репрезентативец, кој беше вицешампион на светот во 2026 година и има 58 натпревари за „албиселесте“, изразил желба да се врати во Серија А, каде претходно блескаше играјќи за Џенова и Аталанта.

Основната пречка за трансферот останува финансискиот обем, бидејќи Тотенхем бара околу 50 милиони евра. Интер ја разгледува можноста за зделка на заем со задолжителна клаузула за откуп – модел сличен на тој по кој Мануел Аканджи пристигна на „Џузепе Меаца“. И покрај финансиската сложеност, раководството на италијанските шампиони, предводено од Кристијан Кијву, го гледа Ромеро како идеален столб во одбраната за претстојната сезона, во која Интер ќе ја брани својата титула по освоените 87 поени во минатата кампања.