Адјеми по потписот: Барселона е најдобриот клуб на светот!

Новото засилување на Барселона Карим Адјееми порача дека пристигнувањето во редовите на шампионот на Шпанија е остварување на сон и можност која не можеше да ја одбие.

Германскиот репрезентативец, кој пристигна од Борусија Дортмунд во трансфер вреден 22 милиони евра, за прв пат се обрати на медиумите по официјалното претставување кое беше одржано вчера.

„Очекувањата се големи. Пристигнувам во најдобриот клуб на светот и се надевам дека ќе покажам на тренерот и навивачите дека сум играч за Барселона“, изјави Адјееми.

Откри дека важна улога во неговата одлука имал тренерот Ханси Флик.

„Тоа беше главната причина за моето доаѓање. Ми кажа што му е потребно на клубот, а јас дојдов да покажам дека можам да одговорам на тие барања. Минатата сезона не беше мојата најдобра, но Флик ми даде голема поддршка и ми рече да дадам се од себе.”