Шпанска легенда доживеа шок: Му забранија влез во САД, нема да може да го гледа финалето!

Жоан Капдевиља на социјалните мрежи објави емотивна порака и побара помош.

Еден од хероите на шпанското освојување на Светското првенство во 2010 година, Жоан Капдевиља може да го пропушти неделното финале против Аргентина во Њу Џерси поради неочекуван проблем со влезот во САД. На поранешниот лев бек му беше одбиена електронската патничка овластување ESTA, без која не може да патува на натпреварот.

Капдевиља на социјалните мрежи објави емотивна порака и дури се обрати на американскиот претседател Доналд Трамп.

“Ми треба помош, Доналд Трамп. Само што ми соопштија дека не можам да патувам на финалето со моите деца бидејќи ми беше одбиена ESTA. Може ли некој да ми помогне?

Не можете да си замислите колку се радував на можноста да бидам таму со моите соиграчи од 2010 и да ја поддржам оваа репрезентација. Не можам да поверувам дека ми е забранет влезот во САД и дека ќе пропуштам ваков момент со моите деца. Ако некој знае како да го реши овој проблем, ќе му бидам благодарен цел живот”, напиша Капдевила.

Според пишувањата на шпанскиот АС, причина за одбивањето може да биде настапот на Капдевиља на ревијален натпревар „LaLiga Legends“ во Иран пред десет години. Заради американските правила за патување во одредени земји, неговото барање за ESTA веројатно не било одобрен.

Шпанската фудбалска федерација ги покани сите членови на златната генерација од 2010 година да бидат гости на финалето против Аргентина, но Капдевиља засега нема да може да биде меѓу нив. Во овој момент не е познато дали ќе успее да пронајде друго решение и на време да стигне во Њу Џерси.