Се е готово: Клоп ќе биде нов селектор на Германија!

Познатиот германски тренер Јирген Клоп го презема кормилото на националниот тим. Официјално е завршено и Клоп ќе го наследи Јулијан Нагелсман на жешката клупа на четирикратниот светски шампион.

Германија имаше катастрофален настап на Светското првенство, што доведе до неопходни промени. Одлуката за смена беше итна, и Јулијан Нагелсман си замина од селекторската позиција.

Германците не сакаа повеќе да ризикуваат, затоа стигнаа до решение кое им е добро познато. Јирген Клоп, кому ова ќе му биде прв пат како селектор на националниот тим, го потврди својот ангажман.

Денеска, Фабрицио Романо ја потврди информацијата велејќи „Here we go“, бидејќи 59-годишникот ја прифати понудата на Германската фудбалска асоцијација да стане нов селектор на репрезентацијата.

🚨🇩🇪 BREAKING: Јирген Клоп како нов селектор на Германија, here we go! 💥

Клоп се согласи да го преземе кормилото; долгорочните договори и проектот сѐ уште се дискутираат, но тој ќе биде новиот селектор.

RB размислуваше за Гласнер како замена, но тој потпишува за #NFFC.… pic.twitter.com/a5uULmyCJx

— Fabrizio Romano (@FabrizioRomano) July 5, 2026

На Клоп му преостанува да ги среди обврските со компанијата Red Bull, каде што сега работи како шеф на фудбалските операции. Се шпекулира дека Red Bull нема да му биде пречка и веќе бара нов кандидат.

Клоп ова го започнува како четврто поглавје во неговата тренерска кариера, но прв пат како селектор. Претходно, со својот талент остави длабок печат во Мајнц, Борусија Дортмунд и Ливерпул, а Анфилд го напушти во 2024 година.