Натан Аке го напушти Манчестер Сити

По шест сезони во Манчестер Сити, дефанзерот Натан Аке го напушта клубот и се приклучува на Фенербахче. Турскиот гигант ја објави зделката без да открие детали.

„Нашиот клуб постигна договор со холандскиот репрезентативец Натан Аке и потпиша договор со него. Нашиот нов играч, кој учествуваше на Светското првенство, ќе се приклучи на тимот за време на подготвителниот камп во Австрија по завршување на неговиот заслужен одмор“, објавија „фенерите“.

Неодамна 31-годишниот бранител беше споменуван и за Интер, а пред тоа беше во плановите на Барселона и Атлетико Мадрид.

Сити го зема Аке во 2020 година од Борнмут за 45,3 милиони евра. Со дресот на „граѓаните“ тој освои 12 трофеи, меѓу кои четири титули на Англија и една во Лигата на шампионите.