Во ек на Светското првенство, завршен е голем трансфер!

Португалскиот играч за врска го напушта Манчестер Сити по години успеси и кариерата ја продолжува на Сантијаго Бернабеу. Еден од најголемите трансфери ова лето доби и официјална потврда. Бернардо Силва е нов играч на Реал Мадрид.

Португалскиот репрезентативец потпиша договор со Кралскиот клуб кој ќе трае до јуни 2028 година, со можност за продолжување на соработката до летото 2029 година.

Така заврши една од трансфер сагите која со месеци ги полнеше насловните страници на европските медиуми. Бернардо Силва веќе долго време се поврзуваше со заминување од Манчестер Сити, а на крајот неговата следна дестинација стана токму Реал Мадрид.

Со доаѓањето во Мадрид, португалскиот играч за врска отвора ново поглавје од една импресивна кариера во која освои речиси сѐ што може да се освои на клупско ниво.