Нова бомба од Реал Мадрид, “кралевите” го договорија Марк Кукурејa

Реал Мадрид продолжува да биде најактивниот европски клуб ова трансфер лето. Најновото засилување на „лос бланкос“ се очекува да биде 27-годишниот шпански репрезентативец Марк Кукуреја, известува ексклузивно Фабрицио Романо.

Според информациите, Реал ќе плати фиксна сума од околу 55 милиони евра за левиот бек на Челси, како и уште 5 милиони евра во вид на можни бонуси. Веќе сè е договорено помеѓу клубовите, како и со самиот играч. Доведувањето на ова засилување е на лична желба на новиот тренер Жозе Мурињо.

Кукуреја беше поврзуван со конкурентите во Ла Лига Барселона и Атлетико Мадрид, откако неколкупати навестуваше дека не е задоволен од случувањата во Челси. Очигледно, сепак, тој одлучи да ја продолжи кариерата на „Бернабеу“. Минатата сезона шпанскиот репрезентативец играше во 50 натпревари, во кои постигна 1 гол и даде 4 асистенции за „сините“ од Лондон.

Кукуреја треба да ги реши проблемите на „лос бланкос“ на левата страна од одбраната, каде што Ферлан Менди често се повредуваше во последните сезони, а Алваро Карерас и Фран Гарсија не секогаш беа доволно убедливи. Кукурејa, кој има карактеристична кадрава коса, игра на Островот од 2021 г., првично како дел од Брајтон, а потоа премина во Челси. Интересно е што Кукуреја е Каталонец и помина низ младинските категории на Еспањол и Барселона.

Реал веќе ги обезбеди потписите на Ибрахима Конате, Дензел Дамфрис и Бернардо Силва, иако овие трансфери сè уште не се официјално објавени.