Аргентинската фудбалска репрезентација успешно го заврши последниот тест пред почетокот на Светското првенство во Северна Америка, совладувајќи го убедливо Исланд со резултат 3:0 (1:0) во Обурн.
Зошто проблемот со улични кучиња СÈ УШТЕ постои? | Уште еден поткаст
Мечот беше во знакот и на Лионел Меси, кој се запиша во листата на стрелците во 72. минута, веднаш штом влезе на теренот од клупата за резерви.
По завршувањето на натпреварот, следуваше традиционалниот поздрав меѓу двата тима, а исландските играчи ја искористија шансата да го поздрават легендарниот 38-годишник.
Меѓу нив беше и младиот, 20-годишен напаѓач на Малме, Даниел Гудјонсен, чие присуство за момент го збунуваше славниот Аргентинец.
Меси застана со израз на лице кој покажуваше недоумка, но исландскиот фудбалер брзо му ја разреши загатката. Му објасни дека е син на Ејдур Гудјонсен, некогашниот играч на Барселона, кој за три сезони беше соиграч на Меси, до историјското освојување на тројната круна во 2009 година.
Изразот на лицето на Меси кога сфати дека зборува со Даниел Гудјонсен, син на неговиот поранешен соиграч од Барселона, Ејдур Гудјонсен 😂
— ESPN FC (@ESPNFC) 10 јуни 2026
Меси и Ејдур играа заедно и ја освоија тројната круна во 2009. Сега, Меси е подготвен за својот шести Mундијал 🤯 pic.twitter.com/9T8NQzkqcn
Учество во игри на среќа е дозволено за лица со 18+ години. Играј одговорно!