Американците баш се посрамотија пред Мундијалот – направија „каша-попара“ од составот на Англија! (Фото)

Навивачите од Англија кои се најдоа на Флорида пред синоќешната пријателска средба против Нов Зеланд беа сведоци на неочекуван настан. На огромниот екран на стадионот во Тампа беше прикажан список на играчи со сосема измешани имиња, што предизвика збунетост на првата подготвителна средба за Светското првенство во САД

Натпреварот се одигра на стадионот Raymond James, дом на НФЛ тимот Тампа Беј каде што навивачите на „Трите лава“ уживаа во одличната атмосфера, особено импресионирани од единствениот пиратски брод на стадионот. Но, ведриот дух беше брзо заменет со изненадување кога на екранот се појави наводниот стартен состав на англиската репрезентација.