Шефот на Ферари нема да присуствува на утрешната трка, завршил во болница!

Шефот на тимот на Ферари, Фред Васер, нема да присуствува на квалификациите за Големата награда на Монако поради здравствени причини, соопшти италијанскиот тим.

Французинот беше подложен на медицински прегледи во текот на денот, по што беше одлучено да остане под надзор во локалната здравствена установа.

“Фред Васер денес нема да биде присутен на патеката. По изминатите лекарски прегледи, тој ќе остане на набљудување во локалната медицинска установа. Повеќе информации за неговата здравствена состојба нема да бидат објавени. Му посакуваме брзо оздравување на Фред и се радуваме на неговото враќање на патеката што е можно побрзо”, стои во соопштението од Ферари.

Сè уште не е позната природата на здравствениот проблем, а тимот не сакаше да даде дополнителни детали.

Оваа вест доаѓа во време кога Ферари има причини за надеж во Монте Карло, бидејќи Луис Хамилтон и Шарл Леклер доминираа на слободните тренинзи и се наоѓаат во водечките позиции пред квалификациите.