Карвахал веќе пронајде нов клуб

Откако официјално го заврши својот престој во Реал Мадрид, Дани Карвахал би можел многу брзо да најде нова работа и да ја продолжи кариерата на највисокото ниво во европскиот фудбал.

Искусниот шпански десен бек го напушти мадридскиот клуб по истекот на договорот, со што заврши една од најуспешните соработки во поновата историја на Реал.

Со години, Карвахал беше стандарден член на првиот состав на Кралскиот клуб, а за време на престојот во Мадрид освои бројни домашни и меѓународни трофеи.

Според шпанските медиуми, неговата следна дестинација би можела да биде Интер Милано, еден од најпознатите и најтрофејните клубови во Италија.