Вардар продолжува да го гради тимот за новата сезона, а најново засилување во редовите на „црвено-црните“ е младиот голман Даниел Диковски. Скопскиот клуб потврди дека со 19-годишниот чувар на мрежата е потпишан тригодишен договор.
Зошто проблемот со улични кучиња СÈ УШТЕ постои? | Уште еден поткаст
Диковски доаѓа од Брера Струмица, каде што во изминатата сезона доби значајна минутажа во сениорската конкуренција. Настапи на 14 натпревари, а на четири од нив успеа да ја сочува својата мрежа недопрена.
Младиот голман е производ на школата на Македонија Ѓорче Петров, а зад себе има и настап за репрезентацијата на Македонија до 19 години.
Со неговото доаѓање, Вардар дополнително ја засилува конкуренцијата меѓу стативите, каде што веќе се Давод Талевски и Методија Велковски. Диковски пристигнува како дел од реконструкцијата на голманската линија, откако клубот неодамна остана без услугите на Ведран Ќосевски.
Учество во игри на среќа е дозволено за лица со 18+ години. Играј одговорно!