Флорентино Перес не го враќа само Модриќ: Во Реал се враќа и неговиот поранешен партнер од средниот ред!

Флорентино Перес останува претседател на Реал Мадрид по победата на изборите, а сега следува “гасење на огнот” по многу лошата сезона.

Неговото решение изгледа го гледа во враќањето на големите имиња на клубот, а започна со Жозе Мурињо, кој повторно седна на клупата. По него, според наводите на шпанските медиуми, би можеле да се вратат и неговите поранешни големи надежи во средниот ред Лука Модриќ и Тони Крос.

Тие двајцата треба да станат дел од спортскиот сектор и да соработуваат со поранешниот свој тренер.

За Лука Модриќ од порано е познато дека е блиску до враќање, а беше зборувано и за можноста повторно да облече дрес на Кралскиот клуб. Сепак, се чини дека по Мундијалот ќе стави крај на богатата играчка кариера. Тој би требало да има улога во управата која е тесно поврзана со првиот тим и стручниот штаб.

Од друга страна, Крос би бил непосредно дел од стручниот штаб и би ја извршувал улогата на скаут и учествувал во изградба на долгорочната стратегија на клубот.