По денешните натпревари од Првата македонска фудбалска лига стана јасно дека Работнички и Македонија Ѓорче Петров следната сезона ќе настапуваат во Втората лига.
Улични кучиња: Системски или човечки проблем? | Уште еден поткаст
Работнички на гостувањето кај Брера добро го отвори натпреварот и уште во првата минута преку Хоџа стигна до предност. Сепак, домаќините брзо возвратија, па веќе во третата минута Величковски го израмни резултатот на 1-1.
До крајот на првото полувреме Брера успеа целосно да го сврти резултатот, а повторно стрелец беше расположениот Величковски. Тимот од Дебар Маало долго време се обидуваше да се врати во игра, а бод освои дури во самиот финиш кога Бошнаков погоди за 2-2. Но, и покрај освоениот бод, Работнички остана без шанси за опстанок поради послабиот меѓусебен скор со Пелистер.
Македонија Ѓорче Петров, пак, ги загуби и теоретските надежи за спас откако на домашен терен доживеа убедлив пораз од Тиквеш со 4-1. Гостите одиграа сигурен натпревар и постигнаа по два гола во двете полувремиња, додека домаќините успеаја само да го намалат резултатот во завршницата.
Во третиот денешен натпревар, Арсими и Башкими ги поделија бодовите, откако ремизираа со резултат 1-1.
Учество во игри на среќа е дозволено за лица со 18+ години. Играј одговорно!