Клоп донесе конечна одлука: Германецот го повика Перез и му кажа сè во неколку зборови

Флорентино Перез на сите начини се обидува да го реши прашањето за нов тренер на Реал Мадрид за новата сезона, а една од неговите најголеми желби е Јирген Клоп. Тој веќе неколку пати контактирал со германскиот тренер и Клоп му кажал многу јасно на претседателот на кралскиот клуб што мисли за сè.

Реал Мадрид и оваа сезона игра далеку под сите очекувања и сите шанси се дека ова ќе биде втора година по ред без трофеи за Кралевите, што за тој клуб е речиси катастрофа.

Веќе се пишува дека Перез повторно ќе менува тренер и тоа ќе биде трет пат во само една година.

Прво минатото лето на местото на Карло Анчелоти го донесе Хаби Алонсо, но само шест месеци подоцна на Алонсо му даде отказ и го ангажираше Алваро Арбелоа.

Кога станува збор за Клоп, тој моментално работи во Ред Бул групацијата и е многу пореалистична опција од Зинедин Зидан. Перез го контактираше Клоп дури и кога го отпушти Алонсо, но тогаш не дојде до договор.

Овој пат претседателот на Реал повторно го повика Клоп и му даде до знаење колку го сака на клупата на овој клуб, и дека ќе му даде сè што посака само да ги води Кралевите.

Но, Клоп сè уште нема желба да се враќа на тренерската работа иако поминаа веќе две години откако го напушти Ливерпул.

Шпанските медиуми наведуваат дека Клоп официјално ја одбил понудата на Перез и дека не е заинтересиран да го води Реал Мадрид бидејќи верува дека не е време или место за таков предизвик во неговата кариера.