Екипата на Шкендија лесно се справи со Тиквеш и на гости во Кавадарци славеше победа од 4-1.
Тетовци рано ја презедоа контролата врз натпреварот – Анес Меличи го отвори резултатот уште во 15. минута, најавувајќи доминантна партија на гостите. Предноста дополнително ја зголеми легендарниот Бесарт Ибраими, кој повторно се запиша меѓу стрелците во 36. минута, додека до паузата Љатифи се погрижи за убедливи 0-3.
Во вториот дел, кавадарчани накратко вратија надеж преку Стојчев, кој намали на 1-3 во 49. минута. Сепак, секоја дилема околу победникот беше отстранета по несреќниот автогол на Вареловски, со што беше поставен конечниот резултат 1-4.
Шкендија со оваа победа уште еднаш ја потврди фаворитската улога и ја продолжи својата силна форма во шампионатот.
Учество во игри на среќа е дозволено за лица со 18+ години. Играј одговорно!