Мегваер самоуверен: Сè уште сум меѓу најдобрите дефанзивци во светот!

Англискиот дефанзивец Хари Мегваер повторно го привлече вниманието на фудбалската јавност со своите самоуверени изјави, нагласувајќи дека и покрај годините сè уште се смета за еден од најдобрите стопери во светот.

Во изјава за медиумите, искусниот фудбалер истакна дека неговите квалитети, особено во играта во двата шеснаесетника, се на врвно ниво. Според него, придонесот и во одбрана и во напад го издвојува од многу други дефанзивци на денешницата.

„Сè уште верувам дека, дури и на оваа возраст, сум веројатно еден од најдобрите дефанзивци во светот во двата шеснаесетника. Не мислам дека тоа воопшто е спорно“, изјави Мегваер.