Maрсело без „влакна на јазико“ го откри најтешкиот противник: Роналдо или Меси?

Бразилецот Марсело, поранешниот ас на Реал Мадрид, изјави кој му беше најтежиот ривал меѓу две од најголемите фудбалски ѕвезди на денешницата – Лионел Меси и Кристијано Роналдо.

Со 546 одиграни натпревари, 38 постигнати голови и 25 освоени титули, Марсело остави длабок траг во историјата на Реал Мадрид. Таму играше заедно со легендарниот Португалец Роналдо, но исто така го имаше и за противник на теренот.

И покрај тоа, се соочуваше и со Лионел Меси, кој за Бока и Аргентина беше негов редовен ривал. Сега, Марсело ни ја откри тајната против кого му беше најтешко да игра.

Марсело гостуваше на YouTube каналот на бразилската легенда Ромарио, одговарајќи на неколку прашања поставени од поранешниот фудбалер и херој на Светското првенство во 1994 година.

Во текот на својата кариера низ екипи како Флуминенсе, Реал Мадрид, Олимпијакос и бразилската репрезентација, Марсело имал прилика да игра со многу ѕвезди, но и против неколку од светската елита.

“Си играл против Кристијано и Меси, кој ти беше најтежиот противник?”, праша Ромарио.

Без долго размислување, Марсело го избра 38-годишниот Аргентинец, со кого се соочил повеќе од 30 пати.

“Меси. Беше навистина импресивен, сѐ уште ми создава главоболки. Човек, тој е навистина феноменален. Меси е многу издржлив. Тој одлично ги разбира сите позиции на теренот, знае кога некој пристигнува со топката, веќе знае каде треба да оди и каде да постави. Мислам дека е извонреден”, изјави Марсело.

Покрај силната игра на теренот, Бразилецот неколку пати истакнал дека секогаш постоело огромно почитување меѓу актери на едно од најозборуваните ривалства во модерниот фудбал – Барселона против Реал Мадрид или Лионел Меси против Кристијано Роналдо.