Уште една работа го кочи конечниот расплет околу Гатузо

Италијанскиот фудбал доживува нова криза. По неуспехот да се квалификува на третото последователно Светско фудбалско првенство, започна вистински домино-ефект.

Габриеле Гравина и Џанлуиџи Буфон веќе ги напуштија своите функции, а „Кориере дела Сера“ пишува дека селекторот Џенаро Гатузо е пред заминување! Шансите да остане на клупата се сѐ помали, а по заминувањето на Буфон, практично се сведени на минимум.

Наредните часови ќе бидат клучни за расплетот на целата ситуација, а Гатузо моментално преговара за завршните детали на раскинот на договорот, особено за статусот на членовите на стручниот штаб и нивните плати до јуни.

Неуспехот во квалификациите донесе и финансиски загуби, Италијанците останаа без околу милиони евра награда, но многу поголем проблем е спортскиот удар. Се чини дека италијанската репрезентација ја очекува голема реконструкција…