Барселона се подготвува да преземе правни чекори против ФИФА поради сериозната повреда на клучниот крилен напаѓач, Рафиња, која се случи за време на репрезентативните обврски со Бразил.
Во редовите на шпанскиот клуб владее гнев откако Бразилецот се повреди за време на репрезентативната акција. Според шпанските медиуми, Блауграна е подготвена да преземе правни чекори против Светската фудбалска организација.
Исхрана, повреди и тренинг – совети од доктор по спортска медицина | Уште еден поткаст
Повредата, за која се проценува дека ќе го исклучи од теренот околу пет седмици, се случи за време на пријателскиот натпревар на Бразил против Франција (2:1). Како што наведува “Мундо Депортиво”, тимот од Камп Ноу има намера да поднесе официјална жалба до ФИФА, како израз на огорченост поради повредата која се случи илјадници километри далеку, на натпревар кој не беше од официјален карактер.
Во овој случај, Барселона има право на финансиска компензација преку Програмата за заштита на клубовите на ФИФА. Овој програм предвидува исплати на клубовите кога нивните играчи се повредуваат за време на меѓународни обврски и ќе бидат надвор од теренот повеќе од 28 последователни дена.
Имајќи предвид дека отсутноста на Рафиња се проценува на пет седмици, светската федерација ќе биде повикана да исплати обештетување. Според тековните пресметки, Барселона би можела да добие околу 144.000 евра. Меѓутоа, управата на клубот го смета овој износ за занемарлив, бидејќи не може да го надомести влијанието од загубата на еден од најпродуктивните напаѓачи во клучен период.
Учество во игри на среќа е дозволено за лица со 18+ години. Играј одговорно!