Македонската репрезентација ја започнува подготовката за првиот плеј-оф дуел против Данска за место на Светското првенство, а во тимот се враќа Бобан Николов.
Николов вели дека е голема привилегија да се игра за Македонија, па најави дека одат на изненадување во Копенхаген.
Исхрана, повреди и тренинг – совети од доктор по спортска медицина | Уште еден поткаст
„Сите знаеме што значи да се игра за репрезентација. Тоа не може да се спореди со ништо, играш за својата држава и ја претставуваш. Се надевам дека ќе биде одлично и дека со моето искуство, заедно со сите во тимот, ќе придонесам да стигнеме до посакуваната цел.
Искрено верувам дека можеме. Нормално е да се надеваме, а ако ни е денот, можеме и да изненадиме. Сите веруваме и дојдовме тука со таа цел. Нема да се предадеме, ако сите одиграме на највисоко ниво, можеме да сонуваме за пласман. Прво размислуваме за Данска, тоа е најважниот натпревар. Притисокот е на нивна страна, а ние немаме што да изгубиме, можеме само многу да добиеме. Ќе влеземе смирено, ќе го оставиме срцето на терен, па што биде нека биде.
Селекторот носи агресија и силна мотивација. Знае како да ги поттикне играчите и мислам дека тоа е голем плус за нас. Ако таа енергија се пренесе на терен, можеме многу да постигнеме“, кажа Николов.
Учество во игри на среќа е дозволено за лица со 18+ години. Играј одговорно!