Aргентина изненади: Еве со кои држави ќе ги игра последните натпревари пред Мундијалот!

Аргентинската репрезентација ја почнува одбраната на титулата на Светското првенство на 16 јуни против Алжир. Во рамките на групата Ј, покрај Алжир, ги очекуваат натпревари и со Австрија и Јордан.

Овој месец аргентинската фудбалска репрезентација ќе одигра подготвителни пријателски натпревари за Светското првенство против Мавританија и Замбија, извести јужноамериканската фудбалска федерација (АФА) во петокот.

Претходно планираниот дуел против Шпанија во „Финалисима“ во Катар беше откажан поради конфликтите на Блискиот Исток.

Па поради тоа Аргентинците во последните два натпревари пред домашната публика на Ла Бомбоњера на 27 и 31 март ќе играат против Мавританија и Замбија.

Мавританија требаше да одигра натпревар против Палестина во Мароко, но тој дуел исто така беше откажан поради конфликтите. Ова ќе биде трета последователна средба на Аргентина со африканска репрезентација, по победата со 2-0 против Ангола во ноември.

Аргентина планираше пријателски натпревар против Гватемала на 31 март, но истиот беше откажан откако не добија одобрување од ФИФА, бидејќи Гватемала веќе имаше закажано натпревар со Алжир во Италија.