Скијање и пиење не одат заедно: Џон Тери откри што му се случило

Поранешниот капитен на Челси, Џон Тери, доживеа незгода на скијање во Франција, откако по целодневно пиење и неколку текили се спуштил по патеката и падна. Тери (45) се наоѓа на одмор во луксузното скијалиште Куршевел во француските Алпи, а неговите авантури ги сподели со следбениците на социјалните мрежи, пишува Дејли мејл.

Фудбалската легенда на Челси, кој работи како тренер и ментор во клупската академија, ги документираше своите доживувања на Инстаграм. Најпрво објави видео на кое се спушта низ снежната патека со англиското знаме во рака, а потоа објави фотографија на која се забавува со пијалак на сонце, сè уште со знамето.

Најголемо внимание привлече неговата трета објава, видео од спуштањето кое го прати со описот: “Не е многу паметно цел ден да се пие, а потоа да се испијат дополнителни три текили пред скијање. Гледајте до крај.” Во видеото се гледа дека Тери, очигледно пијан, се спушта по патеката со англиското знаме во рака.

И покрај неговата состојба, Тери на почетокот успеваше добро да се снајде на снегот и во еден момент дури почна да скија наназад. Сепак, при завршетокот на спустот загуби рамнотежа и падна, но тоа не го вознемири премногу, бидејќи, лежејќи на снегот, почна да се смее.