ЛУКА ДОНЧИЌ постигна победнички кош половина секунда пред истекот на продолжението, со што Лос Анџелес Лејкерс ги поразија Денвер Нагетс со 127:125 во синоќешниот натпревар од НБА лигата. Херој за Лејкерс беше и Остин Ривс, кој со неверојатен потег во последните секунди од основниот дел го обезбеди продолжението.
Гостите од Денвер водеа 118:115 нешто повеќе од пет секунди до крајот кога решија да го фаулираат Ривс за да спречат шут за тројка. Ривс го погоди првото слободно фрлање, а второто намерно го промаши. Топката од одбојот се врати кај него и тој успеа да погоди за изедначување 1,9 секунди до крајот на основното време.
Дончиќ ја заврши работата во продолжението
Street Workout Macedonia – Движење што гради сила, карактер и издржливост | Уште еден поткаст
Во продолжението, Деандре Ајтон постигна четири од своите девет поени, додека Маркус Смарт со тројка ги донесе Лејкерс во водство 30 секунди пред крајот. Никола Јокиќ возврати за изедначување 15 секунди пред истекот на времето. Одговорноста ја презема Дончиќ.
Успеа да се ослободи од својот чувар Спенсер Џоунс и да постигне тежок шут од левата страна за победа. Натпреварот го заврши со 30 поени, 13 асистенции и 11 скокови, постигнувајќи нов трипл-дабл во победничката низа на Лејкерс од пет натпревари. Во преостанатото време Дончиќ успеа да го блокира и обидот на Тим Хардавеј Џуниор за победа на Денвер.
Трипл-даблот на Јокиќ недоволен за победа
Ни одличниот настап на Јокиќ не им помогна на Нагетс, кој оствари уште еден трипл-дабл сезонава со 24 поени, 16 скокови и 14 асистенции. Најефикасен кај Денвер беше Арон Гордон со 27 поени, додека Хардавеј додаде 20 поени.
Учество во игри на среќа е дозволено за лица со 18+ години. Играј одговорно!