Барселона одби 250.000.000 за Јамал, а се знае и од кого

Во Барселона е во тек кампања пред изборите за претседател на клубот, актуелниот челник Жоан Лапорта сака нов мандат, а во рамките на својата промоција откри дека пред речиси две години одбил огромна понуда за најдобриот фудбалер на тимот Ламин Јамал.

Лапорта истакна дека Пари Сен Жермен летото 2024 година, откако Јамал блескаше во дресот на Шпанија и го освои европското првенство во Германија, понуди дури 250.000.000 евра за него, но Барселона одлучи да ја одбие таа понуда.

„Тоа е една од одлуките на кои сум најгорд“, порача Лапорта, нагласувајќи дека клубот сака да го задржи играчот кој многумина веќе го гледаат како наследник на Лионел Меси.

Јамал во меѓувреме го продолжи договорот со Барселона до 2030 година, а Лапорта тврди дека младиот фудбалер е среќен во клубот и целосно посветен на проектот на “Камп Ноу”.