Федерико Димарко е феномен за кој малку се зборува – вакви бројки нема никој во Италија!

Федерико Димарко се докажа не само како еден од најдобрите бекови, туку и како врвен фудбалер во Серија А во последниве неколку години. Оваа сезона тој ги помести границите уште подалеку.

Во победата на Интер против Џенова со 2:0, Димарко запиша еден гол, кој му беше шести за оваа сезона, а дополнително има вкупно 15 асистенции во Серија А. Со овие 21 придонес во голови и асистенции, Димарко е најпродуктивниот играч во целото италијанско првенство.

На листата по ефикасност по него следуваат Лаутаро Мартинез со 18 (14Г+4А), Нико Паз со 15 (9Г+6А), и Кенан Јилдиз со 12 (8Г+4А).

Димарко испиша историја со пет последователни натпревари во Серија А во кои има асистенција, што е нешто што ниту еден бек не го постигнал откако се води детална статистика.

Интересно е што оваа сезона значително ги надмина своите претходни успешни сезони, кога во сите натпреварувања имаше 15 придонеси во форма на голови и асистенции, а во сезоната 2023/2024 имаше вкупно 14 (6Г+8А). Во сезоната 2022/2023, неговата статистика беше 16 (6Г+10А).

Сумирано, Димарко сезонава го достигна својот врв и игра најдобра форма во неговата кариера.

Со 28 години, на лето влегува во последната година од договорот, но се очекува Интер да направи се што е можно за да го задржи. Тој е продукт на клубот, роден во Милано, а искуството го стекна со позајмици во Асколи, Емполи, Сион, Парма и Верона додека Симеоне Инзаги не му даде шанса од летото 2021.

Оттогаш, Димарко има одиграно 225 натпревари, постигнато 25 голови и запишано дури 49 асистенции со Интер.