Гвардиола за повредата на Халанд, дали има причина за грижа?

Ерлинг Халанд претрпе полесна повреда и не е познато дали ќе биде подготвен за следниот меч против Нотингем Форест. 

Пеп Гвардиола беше прилично „неодреден“ на прашањето на новинарите за состојбата на норвешкиот напаѓач, кој отпадна за Лидс на денот на натпреварот поради полесна повреда.

„Кога ќе можеме да сметаме на Халанд? Навистина не знам. Пред два дена почувствува нешто на тренинг, не е ништо сериозно, но мораме да причекаме“, рече загатливиот Пеп. 

За среќа за Сити, повторно се појави Антоан Семењо кој го постигна единствениот гол во победата над Лидс. 

Сити во вторник го пречекува Нотингем Форест, потоа ѝ гостува на Њукасл во ФА купот, а потоа следи гостување кај Реал Мадрид на 11 март во првиот натпревар од осминафиналето на Лигата на шампионите.