Шешко е хит: Погледнете колку брзо го претрча теренот пред да постигне гол (Видео)

Словенечкиот фудбалер Бенjамин Шешко синоќа повторно ги вooдушеви фановите со својот гол за победа на Манчестер Јунајтед на гости против Евертон со резултат 1:0, а особено впечатлив беше начинот на кој го изведе контра-нападот.

Во трансфер тежок 76,5 милиони евра минатото лето, Шешко премина од РБ Лајпциг во Манчестер Јунајтед, и сигурно не се надеваше дека ќе биде во резервниот состав. Меѓутоа, со текот на времето, тој се претвори во вистински џокер за новиот тренер Мајкл Керик.

Во последните четири натпревари во Премиер лигата, трипати влегувајќи од клупата, постигнуваше голови кои беа одлучувачки. Тоа беше случај и синоќа на дуелот против Евертон.

Словенецот, чија мајка е од Добој и можеше да избере да игра за Босна и Херцеговина, влезе во игра во 58. минута, а само 13 минути подоцна, со маестрален удар, го реши натпреварот.

Шешко прво се вклучи во одбраната на својот тим, а по само 12 секунди ја испрати топката во мрежата на спротивната страна. Статистичарите пресметаа дека неговиот спринт траеше само 12 секунди, од моментот кога ја подаде топката на Лук Шоу во одбраната на Јунајтед, па до моментот кога постигна гол.

[@OptaAnalyst] There were just 12 seconds between Benjamin Sesko laying the ball off to Luke Shaw inside his own half and the striker scoring at the other end of the pitch vs Everton last night. Rapid.
by u/OkayFine101 in soccer

Откако ја додаде топката, словенечкиот напаѓач во спринт тргна кон противничкиот гол и во казнениот простор ја прими асистенцијата на Брајан Мбеумо за златна победа на Јунајтед, со која се зголемија шансите великиот од Олд Трафорд да се пласира во Лига на шампиони следната сезона.