Реал Мадрид во саботата доживеа жесток удар во борбата за титулата. Тимот од шпанската престолнина играше очајно и заслужено доживеа пораз од Осасуна која славеше со 2:1.
По напорното гостување кај Бенфика во Лисабон, Реал имаше натпревар на гости кај Осасуна и таму се сопна во трката за титулата.
Спорт што не познава граници - Street Workout Macedonia | Уште еден поткаст
Анте Будимир издејствува и реализира пенал во првиот дел за 1:0, но Реал преку Винициус го израмни на време, имаше доволно време за пресврт, но во продолжението прими втор гол кога Раул Гарсија го матираше Куртоа.
Ако Барса вечерва го победи Леванте дома, во 25-то коло повторно ќе го преземе првото место со 61 бод, додека Реал ќе падне на второ место со моментални 60 бода.
Тренерот Алваро Арбелоа, и покрај поразот, изјави дека неговиот тим има потенцијал да игра многу подобро, но јасно е дека формата на Реал е засега далеку од очекуваното за клуб од тој ранг.
Овој пораз силно ги погоди амбициите на Реал и тешко му падна на Флорентино Перез, па претседателот на Реал наводно решил од мака да продаде еден од играчите.
Себаљос започна на клупата, влезе во продолжението и направи неколку грешки, па се чини дека неговото време во славниот клуб сега е конечно завршено.
На крајот од сезоната, Реал очигледно ќе се обиде да заработи од неговиот трансфер додека договорот му истекува во 2027 година, а Перез е подготвен да го продаде Дани Себаљос за „било која сума“, во превод – само сака да замине.
Учество во игри на среќа е дозволено за лица со 18+ години. Играј одговорно!