Ѕвездите на Реал Мадрид веќе изгубиле доверба во Арбелоа: Не е тој за оваа работа!

Атмосферата во соблекувалната на Реал Мадрид е далеку од идеална, а последните случувања укажуваат на сериозни проблеми во клубот.

Според пишувањата на шпанските медиуми, новиот тренер Алваро Арбелоа е веќе под голем притисок, и тоа по многу краток период на клупата на кралскиот клуб.

Иако неговото доаѓање беше пречекано со одреден оптимизам, тоа чувство, според извори блиски до клубот, брзо исчезна.

Некои играчи сметаат дека Арбелоа нема долгорочна визија и го гледаат само како привремено решение.

Во соблекувалната, наводно, нема вистинска промена во споредба со претходниот период, што дополнително создава незадоволство меѓу ѕвездите на тимот.

🚨 𝗕𝗥𝗘𝗔𝗞𝗜𝗡𝗚: Álvaro Arbeloa is already UNDER PRESSURE in the Real Madrid dressing room. 😳

🔸 Some players feel he is just an interim coach, with no REAL CHANGE being felt
🔸 The squad were surprised that Dani Ceballos didn’t play against Benfica
🔸 His press conference… pic.twitter.com/OUL07AkF2J

— Transfer News Live (@DeadlineDayLive) February 4, 2026

Посебно изненадување предизвика одлуката Дани Себаљос да не добие шанса за игра против Бенфика.

Неколку искусни играчи отворено изразија чудење за оваа одлука, сметајќи дека Себаљос би бил логичен избор за тој натпревар.

Толкува влечења уште повеќе го разнишале довербата во тренерот и неговите тактички замисли.

Проблемите не останаа само во соблекувалната, туку се проширија и до јавноста.

Прес-конференцијата пред натпреварот против Рајо Ваљекано доцнеше, а причината, како што се наведува, беа бројни недоразбирања во клубот.

Шпанските медиуми пишуваат дека одредени играчи не кријат свое незадоволство и приватно се критични кон Арбелоа.

Наводно, во интерни разговори може да се слушне и дека „не е тој за оваа работа“, што доволно зборува за сериозноста на ситуацијата.

Во клубот засега нема официјални реакции, но молкот од Мадрид само ги зголемува сомнежите.

Управата на Реал Мадрид внимателно го следи развојот на настаните, свесна дека продолжувањето на немирите може да остави трага на резултатите.

Претстојните натпревари би можеле да бидат клучни не само за сезоната, туку и за иднината на Алваро Арбелоа на клупата на кралскиот клуб.