Лацио подготви 30 милиони за италијански репрезентативец, но Интер одби

Лацио направија доцен обид да го ангажираат играчот на Интер Давиде Фратези, известува Џанлука Ди Марцио.

Предлогот на “орлите” за италијанскиот репрезентативец беше за заем до крајот на сезоната со опција за купување во вредност од 30 милиони евра, која автоматски ќе се активираше при исполнување на одредени услови. Но, Интер ја одби понудата за 26-годишниот играч, кој во последните денови беше силно поврзуван и со Нотингам Форест.

Во оваа сезона, Фратези одигра само 654 минути на 20 натпревари, во кои забележа три асистенции.