Каков потег на Перез: Со 500.000 евра го „украде“ новиот Модриќ од Барселона!

Според најновите извештаи, Реал Мадрид успеал да ја надмине Барселона во битката за потписот на младиот талент кој многумина го споредуваат со “новиот Лука Модриќ”.

Претседателот на „кралскиот клуб“, Флорентино Перез, испратил официјална понуда за талентираниот Серхио Мартинез Монтеро, а споменатата сума изнесува само 500.000 евра, што ги изненадило многумина со оглед на репутацијата и класата на играчот кој се споредува со Модриќ.

Серхио Мартинез има само 18 години и е член на Расинг Сантандер, од втората шпанска лига. Тој е продукт на овој клуб, а негов клупски соиграч е и Георги Гулиашвили, поранешен фудбалер на Сараево, кој оваа зима се пресели во Расинг.

Младиот играч е способен да игра во средината или како офанзвен играч за врска што е слично на тоа што Лука Модриќ го нудеше во своите најдобри години. Според весникот АС планот на Реал Мадрид е да продолжи со неговото позајмување до 30-ти јуни и потоа да го вклучи во еден од резервните тимови за почеток.

Како што известуваат шпанските медиуми, Барселона исто така била заинтересирана, но заостанувала во преговорите.

Извори блиски до клубот велат дека Перез лично ги надгледувал преговорите, осигурувајќи дека Мадрид ќе биде прв кој ќе го обезбеди овој перспективен средиштен играч.

Деталите за играчот сè уште не се објавени јавно, но стручњаците истакнуваат дека поседува техника, визија и контрола на играта налик на Модриќ. Овој потег веќе се толкува како стратешки удар за Барселона, но истовремено и како инвестиција во иднината на Реал – тим кој секогаш гледа неколку чекори напред.

Многу навивачи на Реал изразија задоволство од брзата реакција на клубот, надевајќи се дека младиот талент ќе ги оправда очекувањата и наскоро ќе стане важен член на првиот тим.

Аналитичарите тврдат дека споредбата со Модриќ не е случајна и дека овој млад играч покажува ретки способности да диктира темпо, да распределува топки и да создава шанси. Доколку трансферот се потврди, Реал ќе добие играч кој би можел да стане клучен дел од средната линија во следните сезони.

Реал веќе некое време привлекува млади и талентирани играчи врз кои планира да ја гради иднината. Некои од нив се покажаа како полн погодок, додека други често се наоѓаат во сенка на недостигот од правата шанса, како Ендрик, кој мораше да оди во Франција на позајмица, но веќе во првите натпревари во дресот на Лион покажа дека е посебен.