Палмер е недопирлив – ништо од трансферот во Јунајтед

Коул Палмер го задржува своето место во Челзи, пишува Скај Спортс. Трансфер во Манчестер Јунајтед за него и за „сините“ не е опција. Палмер има договор до 2033 година.

Откако пред две и пол години се приклучи од Сити, Палмер за Челзи постигна 41 гол и обезбеди 19 асистенции. Затоа, англискиот репрезентативец стана речиси „недопирлив“ за Челзи, а само исклучително висока понуда би го натерала лондонскиот клуб да размисли за продажба. Според Tрансфермаркт, Палмер вреди 120 милиони евра.

Меѓутоа, како што пренесува The Sun, 23-годишникот е носталгичен и би ја поздравил можноста да се приклучи на Јунајтед. Палмер се соочува и со повреда на препоните поради што оваа сезона беше ограничен на само 12 лигашки натпревари. Го пропушти и неделниот натпревар во кој Челзи го победи Кристал Палас.